Goratzarrea

1) Gorengo, ahalguztidun, Jaun onbera,

zeureak dituzu gorespenak, aintza, ospea

ta bedeinkapen dena.

    2) Zeuri dagokizu bakarrik, gorengo Jauna,

    eta inon ez da gizonik zu aipatzeko dina. Gora ta bedeinka…

1) Goratua zaitez anaia jaun eguzkiagatik, ene Jauna,

dirdai handiz diztiratsu argitzen du eguna;

Zurea, goi-goiko Horrena, darama itxura.

    2) Goratua zaitez, ene Jauna,

    arreba ilargia ta izarrak direla-ta,

    argitsu, bitxi eta eder dauzkazu zeruan jarrita. Gora ta bedeinka…

1) Goratua zaitez, ene Jauna, anaia haizeagatik,

aire ta laino, oskarbi eta edozein goragatik;

bere bidez ematen diezu sorkariei jan-edanetik.

    2) Goratua zaitez, ene Jauna, arreba uragatik;

    txit onurakor, umil, bitxi eta garbi delarik. Gora ta bedeinka…

1) Goratua zaitez anaia suagatik, ene Jauna,

bere bidez argitzen duzu gaua;

eta ederra da, alaia, sendoa ta indarduna.

    2) Goratua zaitez, ene Jauna,

    gure arreba ama-lurragatik;

    berak mantentzen gaitu eta bera dugu gidari,

    lore polit belarrekin fruitu asko dakarki. Gora ta bedeinka…

1) Goratua zaitez, ene Jauna,

ta zure maitasunarren eman barkamena

onez hartzen dutenengatik gaixo ta estuasuna.

    2) Zorionekoak, horiek pakez sufri baditzate,

    Zuk, gorengo Horrek,

    koroatuak izango bait dirade. Gora ta bedeinka…

1) Goratua zaitez, ene Jauna,

gorputzeko gure arreba heriotzagatik;

bizitzan ezin dezake gizonek ihes egin harengandik.

Oi, pekatu larritan hil daitezenak errukarri!

    2) Zorionekoak

    zure nahi txit santuan aurki ditzanak,

    ez bait die gaitzik egingo heriotza bigarrenak.